Most common dreams

Gndang tanghali po,

Pki enterpret nman po ung pnaginip ko n 2 bgay ngipin at ahas,, paulit ulit akong nnaginip ng gnyan sagittarius girl po ako ng cavite, wait ko po s diaryo. (09103083496)

To Sagittarius Girl,

Ang ganitong panaginip ay kabilang sa tinatawag na most common dreams. Isa sa teorya ng nalalaglag o natatanggal na ngipin ay ukol sa iyong agam-agam hinggil sa iyong itsura at kung ano ang pananaw sa iyo ng iba. Ang mga ngipin ay may mahalagang papel din na ginagampanan sa game of flirtation, ito man ay pagpapakita ng iyong pearly white teeth, kissing, o necking. Kaya maituturing na ang ganitong panaginip ay nagmumula sa fear of rejection, sexual impotence o ang consequences ng pagtanda. Ang ipin ay ginagamit din sa pagkagat, pagnguya at pagngatngat, kaya sa puntong ito, ang ngipin ay nagre-represent naman ng kapangyarihan o power. Kaya maaari rin namang ang panaginip ng pagkawala ng ngipin ay nagsasaad ng pakiramdam ng kawalan ng power o kapangyarihan. Traditionally, may ibang paniniwala rin o sitwasyon na kapag nanaginip na ikaw ay walang ngipin o nawalan ng ngipin, ito ay may kaugnayan sa malnutrition. Mayroon din namang scriptural interpretation ukol sa bad o falling teeth na nagsasaad inilalagay mo ang iyong faith, trust, at beliefs sa iniisip o sasabihin ng mga tao, imbes na sa word of God. Ang Bibliya ay nagsasabi rin na ang Diyos ay nakikipagtalastasan sa atin sa pamamagitan ng panaginip o vision upang maitago ang pride mula sa atin, upang mailayo ang mga tao sa hukay, upang mabuksan ang ating mga tainga (spiritually), at upang magbigay babala at maitama ng landas ang mga tao.

Hinggil naman sa ahas, ito ay may kaugnayan sa mga nakatagong takot at pag-aalala na nagkakaroon sa iyo ng malaking epekto. Maaa-ring ito ay babala na may padating na bagay na mayroong malaking koneksiyon sa iyo, kaya dapat kang mag-ingat sa sarili o sa pinansiyal na bagay. Alternatively, ang ahas ay maaari rin namang simbolo ng temptation, at ng dangerous at forbidden sexuality. Kung natakot ka sa napanaginipang ahas, ito ay maaaring nagsasaad ng pangamba mo ukol sa sex, intimacy o commitment. Maaari rin namang ang ahas sa iyong panaginip ay may kinalaman o may kaugnayan sa mga tao sa paligid mo na hindi mo pa lubos na kilala at hindi dapat pagkatiwalaan. Sa positibong persepsiyon, ang ahas ay nagre-represent ng healing, transformation, knowledge at wisdom. Ito rin ay nagsasaad ng self-renewal at positive changes.

Ang pabalik-balik na panaginip ay kadalasang nangyayari na mayroong kaunting pagkakaiba lang sa tema ng panaginip mo. Ang ganitong panaginip ay maaaring positibo ang hatid sa nananaginip, subalit kadalasang nightmarish o hindi maganda ang nilalaman nito. Posibleng ang rason nito ay dahil ang conflict na nasa iyong panaginip ay hindi pa nareresolba o hindi mo binibigyan ng pansin. Ngunit sa oras na maka-hanap ka na ng solusyon sa bagay na ito, kusang matitigil ang ganitong klase ng panaginip.

Señor H.