HATAW! D'yaryo ng Bayan hatawtabloid.com
KARAGDAGANG 15 overseas Filipino workers (OFWs) ang nakabalik na sa ating bansa makaraan lumikas mula sa Libya.
Ayon sa ulat ng Department of Foreign Affairs (DFA), mga nagtatrabaho sa Hyundai E&C ang naturang mga Filipino.
Dahil dito, umaabot na sa 157 ang kabuuang mga kababayan nating nakauwi mula sa nasabing bansa.
Gayunman, umaabot sa halos 100 iba pa ang sinasabing nananatili roon at inaasahang maililikas sa lalong madaling panahon.
Una rito, nagpatupad ang pamahalaan ng crisis alert level 3 dahil sa lumulubhang mga kaguluhan doon.
Maging sa Iraq ay sapilitan na ring ipinauuwi ang mga kababayan natin upang hindi maipit sa mga karahasan doon.
