HATAW! D'yaryo ng Bayan hatawtabloid.com
MAPIPILAY ang pwersa ng minority block sa Senado kung makukulong na sina Senators Juan Ponce Enrile, Jinggoy Estrada at Ramon “Bong” Revilla dahil sa pork barrel fund scam.
Ito ang sinabi ni Sen. JV Ejercito Estrada, isa sa mga miyembro ng minorya sa Senado kasunod ng pagpapalabas ng Sandiganbayan ng warrant of arrest laban kay Sen. Revilla.
Samantala, inaasahan na isusunod din ang pagpapalabas ng mandamiento de aresto laban sa kapatid ni Ejercito na si Sen. Jinggoy at kay Sen. Enrile.
Ayon kay Sen. JV, apat na lamang sila nina Sens. Nancy Binay, Tito Sotto at Gringo Honasan ang natira sa minorya sa Senado at mabigat ito para sa kanila.
Ipinaliwanag niyang mahalaga ang pagkakaroon ng minorya sa isang demokrasyang pamahalaan upang magsilbing tagabantay.
(NIÑO ACLAN/
CYNTHIA MARTIN)
