2 akusado sa pork case wala na sa PH

DALAWANG akusado sa pork barrel case ang nakaalis na ng bansa, ayon sa pagkompirma ng Bureau of Immigration (BI) kahapon.

Sinabi ni BI spokesperson Elaine Tan, nitong Hunyo 19, dalawang akusado lamang, sina Antonio Ortiz at Renato Ornopia, ang nakompirmang nakaalis ng bansa bago pa nakapagpalabas ng hold departure order (HDO).

Gayunman, sinabi ng BI na hindi pa pinal ang ulat dahil tina-triple check pa ng ahensya upang ganap na madetermina kung ang pangalan na nakalagay sa HDO ang dalawang tao na nakatala na nakaalis na ng bansa.

“As the names itself are not sufficient to fully identify the person being checked, only half of the records have been determined to refer to the accused with certainty,” pahayag ni Tan.