Nabagansiyang laborer itinumba sa brgy. hall

SUGATAN ang isang construction worker makaraan barilin ng hindi nakilalang lalaki habang nakaposas sa loob ng barangay hall sa Baseco Compound, Port Area, Maynila kamakalawa ng gabi.

Ginagamot sa Gat Andres Bonifacio Medical Center ang biktimang si Arsenio Roble, 48, ng Blk. 9 Ext., Baseco Compound, Port Area, Maynila.

Habang mabilis na nakatakas ang suspek lulan ng motorsiklo.

Ayon kay Supt. Romeo Macapaz, station commander ng Manila Police District-Police Station 5, naganap ang insidente dakong 9 p.m. sa loob ng barangay hall ng Brgy. 649.

Nauna rito, naaresto ng mga barangay tanod si Roble dahil sa kasong bagansiya at dinala sa barangay hall para imbestigahan ngunit nang iwanan sandali ay bigla na lamang binaril ng hindi nakilalang suspek.

(LEONARD BASILIO)