HATAW! D'yaryo ng Bayan hatawtabloid.com
KIDAPAWAN CITY – Arestado ng pulisya ang isang 6-anyos batang babae at tatlo pang kabataan sa pagbebenta ng ipinagbabawal na gamot sa lalawigan ng Cotabato kamakalawa ng gabi.
Kinilala ang mga suspek na si Alvin Alamada, 20, at sina alyas Saudi, 15; alyas Tanya, 16; at ang 6-anyos na si alyas Sophia, pawang mga residente ng Brgy. Poblacion sa Kabacan, North Cotabato.
Ayon kay North Cotabato PNP provincial director, SSupt. Danilo Peralta, nahuli ang mga kabataan sa buy-bust operation ng pwersa ng CIDG-Cotabato at Kabacan PNP sa Purok Chrislam Village, Brgy. Poblacion, Kabacan.
Kabilang sa nakompiska mula sa mga suspek ang 50 gramo ng shabu, drug paraphernalia, cellphones at marked money.
Nasa pangangalaga na ng CIDG-Cotabato ang mga suspek at patuloy na iniimbestigahan.
(BETH JULIAN)
