Mister nagbigti dahil sa sinaing

NAGBIGTI ang isang lalaki nang hindi sila magkasundo ng kanyang misis sa pagsasaing sa Zamboanga City kamakalawa.

Kinilala ang biktimang si Salvador Estaniel, 23, residente ng Baliwasan Grande, Zamboanga City.

Sa ulat, bangkay na ang biktima nang matagpuan ng kanyang asawa na si Roselyn dakong 7 p.m. sa loob ng kanilang silid. Bago nagpatiwakal ang biktima, nagtalo sila ng kanyang misis hinggil sa kung sino at kung paano isasaing ang kanilang bigas.

Naayos din ang pagtatalo ng dalawa hanggang pumasok ang biktima sa kanilang silid nang maglaba si misis.

Matapos maglaba, tinungo ng misis ang kanilang silid ngunit laking gulat nang makitang nakabitin ang asawa at wala nang buhay.

(DANG GARCIA)