Principal nagbigti sa P.1-M utang

TINAPOS ng isang 47-anyos school principal ang kanyang P.1-M utang sa pamamagitan ng pagbibigti sa loob ng kanilang bahay sa Davao City, iniulat kahapon.

Maitim na ang mukha at halos lumuwa na ang dila ng biktimang si Bernard Catalia, nang matagpuan ng kanyang misis na si Austria na nakabigti sa kanilang kwarto gamit ang nylon cord.

Si Catalia ay principal sa Lamanan Elementary School, at residente sa Moises St., Abayon Subdivision, Calinan, Davao City.

Ayon kay Austria, isa rin guro, sapol nang makapag-loan ang kanyang mister ng halagang P100,000 ay hindi na mapakali at madalas ang pananahimik.

“Siguro tuliro na rin siya kung paano babayaran ang pagkakautang kaya nagbigti na lang,” ang malungkot na pahayag ni misis.

ni BETH JULIAN