HATAW! D'yaryo ng Bayan hatawtabloid.com
MUKHANG trying very hard na makakuha ng simpatiya si Amazing Kap …
Tingnan n’yo naman, ngayon lang ang panahon na hindi eleksiyon pero biglang nag-iikot kung saan-saan si Sen. BONG “Pogi” REVILLA sa kanya umanong mga sympathizer.
E bakit ngayon mo lang sila naalala na bisitahin Senator Bong?
Ngayong kinakasuhan ka na ng plunder sa pagdambong ng iyong pork barrel?
Bilib din talaga tayo sa kapal ng mukha at tigas ng mukha nitong si Kapitan Pogi …
Pinopolitika lang daw sila kaya tatakbo na siya sa mas mataas na posisyon para ipagtanggol ang kanyang ‘reputasyon.’
Pwe!!! What the fact!
E kung pinopolitika ka lang, sa tagal ba naman ng panahon na ‘binabalasubas’ at ‘ninanakaw’ ang pork barrel sa ilalim ng iyong tanggapan ‘e hindi mo man lang ba ito napansin o nasuri?!
Ay sus naman!
alang kupas ang alibi mo, Amazing Kap!
Hindi nga ba ‘yung pork barrel ng erpat mo, sumabit din?!
‘E kung hindi pa nabisto ng Commission on Audit (CoA) ‘e baka maging ang misis mong si Rep. Lani Mercado ‘e magkaroon din ng ganyang eskandalo.
Unsolicited advice lang Mr. Amazing Kap, may kasabihan … “Less talk, less mistake …”
Manahimik ka na kaya. Ikaw pa itong nagpapamukhang kawawa ‘e kayo na nga ang suspek sa pandarambong.
Dahil d’yan sa pandarambong ninyo sa P10-bilyong pork barrel ‘e, maraming hindi nakapag-aral, maraming hindi nakapagpagamot, maraming magsasaka ang nagutom at maraming nasalanta ng kalamidad ang hindi pa nakababangon hanggang ngayon.
Hindi ba maliwanag na “adding insult to injury” ‘yang iniaasta mo?!
Mahiya ka naman!
Sa Sandiganbayan ka na lang magpaliwanag!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
