HATAW! D'yaryo ng Bayan hatawtabloid.com
NAGA CITY – Wala nang buhay ang isang lola nang madatnan ng kanyang mga kapamilya sa Zone 7, San Rafael Cararayan Naga City kamakalawa.
Kinilala ang biktimang si Natividad Bardojo, 80-anyos ng nasabing lugar.
Ayon kay Jennifer Bardojo, 20, apo ng nasabing lola, nadatnan niyang nakabigti ang biktima sa loob ng kwarto.
Sinabi ni PO1 Gilson Bañaria, isang nylon rope ang ginamit na panali ng biktima.
Samantala, kinompirma ng SOCO team ang natagpuan na suicide note, sinasabing isinulat ng biktima bago nagpakamatay.
Base sa imbestigasyon, personal na alitan sa pamilya ang nagtulak sa biktima upang kitilin ang kanyang buhay.
Kaugnay nito, iimbestigahan pa kung sulat kamay nga ng biktima ang nasabing suicide note. (JETHRO SINOCRUZ)
