HATAW! D'yaryo ng Bayan hatawtabloid.com
DAVAO CITY – Dinukot at ginilitan ang isang kilalang negosyante sa Davao City at sinunog ang bangkay sa loob ng sasakyan kamakalawa.
Kinilala ang biktimang si Ramon Sanny Garcia, may-ari ng Nanay Bebeng Restaurant.
Ang biktima ay dinukot ng hindi nakikilalang suspek at sapilitang tinangay papuntang Sitio Bolton, Baluyan, Malalag, Davao del Sur.
Pagkaraan ay natagpuan ang bangkay ng biktima sa may bangin sa nasabing lugar.
Inilarawan ng mga nakakita na may tali ang mga kamay, ibinalot ang mukha gamit ang packaging tape at ginilitan ang leeg, at sinunog ang sasakyan kasama ang biktima.
Sinasabing “extortion” ang tinitingnang dahilan sa nasabing pagpatay kay Garcia.
Samantala, nasa Collada Funeral Homes sa Sulop, Davao del Sur ang bangkay ng biktima.
