Pork trial ikinakasa na ng Sandiganbayan

NAGHAHANDA na ang Sandiganbayan sa isasagawang pork barrel trial makaraan ibasura ng Ombudsman ang lahat ng mosyon ng pangunahing mga akusado sa kaso.

Ayon kay Sandiganbayan Presiding Justice Amparo Cabotaje-Tang, normal lang na may mga paghahanda dahil malaking kontrobersiya ang kanilang isasalang sa paglilitis. Kaugnay nito, mahigpit na ipagbabawal ang ano mang media coverage at live reports sa paglilitis. Gayonman, hindi aniya pipigilan ang media na makakalap pa rin ng mga ulat ukol sa nasabing kaso ngunit kailangan umiral ang maayos na sistema na makaaapekto sa court proceedings.