HATAW! D'yaryo ng Bayan hatawtabloid.com
ni Maricris Valdez Nicasio
MINSAN na nating naisulat dito sa Hataw kung paano tumanaw ng utang na loob ang isang Coco Martin sa mga tumulong sa kanya. This time, muli niyang ipinakita ang magandang ugaling ito sa pamamagitan ng pagpapasalamat sa mga cast and staff na nakatrabaho niya sa blockbuster movie nila ni Sarah Geronimo, ang Maybe This Time.
Isang thanksgiving dinner ang ibinigay ni Coco para sa kanila.
Si Coco kasi ang aktor na marunong lumingon sa pinanggalingan, kaya naman anumang tagumpay na nakakamit niya’y ibinabahagi niya ito sa mga nakasama niya sa hirap tungo sa tagumpay.
Kaya nga noong Sabado ng gabi pagkatapos ng tatlong matagumpay na block screenings sponsored by his fans, nakasama ni Coco ang staff ng MTT, Adprom staffs, at ilang cast members.
Dumating sa thanksgiving dinner ni Coco ang mga director na sina Jerry Sineneng, Olive Lamasan, producer Elma Medua gayundin sina Roxy Liquigan at Mico del Rosario ang kanilang AdProm staff.
Biglaan ang naturang thanksgiving dinner kaya naman tanging Dennis Padilla, Ogie Diaz, Zeppi Borromeo, Gabby dela Merced, at Tony Mabesa ang mga artista sa MTT ang nakarating.
At bukod sa thanksgiving dinner, nakita rin namin sa Instagram posts ng ilang staff ang flowers and gifts na ibinigay sa kanila ni Coco bilang pasasalamat sa pagtulong sa kanya para maging matagumpay ang kanilang pelikula ni Sarah.
Tunay na hahangaan mo ang isang Coco Martin dahil after each project, mapa-TV o movie, he makes it a point na balikan ang mga kasama at tumulong para pasalamatan.
Hindi ba naman, consistent si Coco sa ugali niyang ito?! No wonder he is blessed.
Sa kabilang banda, as of Saturday, May 31, kumita na ang Maybe This Time ng P60-M sa box office. Sa lakas ng daily box office gross ng MTT, inaasahang mag-P100-M na ito in the coming days.
Congrats sa bumubuo ng MTT lalo na kina Sarah at Ogie na napakalaki ng iniambag sa pelikula para maging balanse ito gayundin sa Star Cinema at Viva Films.
