HATAW! D'yaryo ng Bayan hatawtabloid.com
NASABAT ng Philippine Coast Guard (PCG) ang 20 drums ng gasolina at 30 litro ng diesel na pinaniniwalaang ipinuslit mula sa Malaysia.
Ayon sa coast guard, kanilang nasabat ang nasabing mga produktong petrolyo sa bayan ng Bataraza kasunod nang ibinigay na tip.
Katuwang ang pwersa ng Bantay Dagat at Philippine Navy, naabutan pa ng mga awtoridad habang ibinababa mula sa isang bangka ang naipuslit na gasolina at diesel.
Nabigo ang may-ari ng bangka na si Amar Abduhalim na magpakita ng kaukulang dokumento para sa nasabing kargamento.
Nakatakdang i-turnover ng coast guard sa Bureau of Customs ang smuggled fuel.
(BETH JULIAN)
