HATAW! D'yaryo ng Bayan hatawtabloid.com
HINDI na umabot nang buhay sa pagamutan ang isang lalaki makaraan pagsasaksain ng kanyang bayaw dahil sa inumit na kapirasong karne ng baboy sa Marilao, Bulacan kamakalawa.
Kinilala ng pulisya ang biktimang si Nilo Geneston, may sapat na gulang, habang agad nadakip ang suspek na si Dominador Plaza, 49, kapwa residente ng Evangelista Compound sa Brgy. Sta. Rosa, sa bayan ng Marilao, Bulacan.
Sa ulat na isinumite sa tanggapan ni Supt. Marcos Rivero, hepe ng pulisya, magkatuwang na hinuhugasan ng magbayaw ang ilang parte ng baboy para pulutanin sa kanilang inoman nang mag-uwi ng kapiraso nito ang biktima.
Hindi ito nagustuhan ng suspek kaya’t sinita ang biktima na naging dahilan ng kanilang pagtatalo.
Nagpapahinga na ang biktima sa kanilang bahay nang pasukin ng suspek saka pinagsasaksak.
(DAISY MEDINA/BARBI CAPIRAL)
