Payatas barangay admin tinaniman ng bala sa ulo

PATAY noon din ang isang babaeng opisyal ng barangay makaraang barilin nang dalawang beses sa ulo ng hindi pa nakikilalang suspek sa Quezon City kamakalawa ng gabi.

Sa ulat ni Supt. Eleazar Matta, hepe ng Quezon City Police District (QCPD) Batasan Police Station 6, kinilala ang biktima na si Vivien de Castro, 55, barangay administrator at residente sa Gumamela St., Barangay Payatas A.

Sa ulat, nag-aabang ng masasakyan ang bitkima sa kanto ng IBP Road at Ilang-Ilang Sts., Payatas A, nang lapitan ng armadong lalaki saka binaril nang dalawang beses sa ulo dakong 6:30 p.m.

Nang matiyak na patay na ang target, dumating ang isang lalaking nagmamanaheo ng motorsiklo dito agad umangkas ang gunman saka mabilis na tumakas.

Inaalam ng mga awtoridad kung may kaugnayan sa politika at kung hired killer ang sangkot sa pamamaslang.

(Almar Danguilan)