Golfer

May tatlong golfer na doctor, pari at abogado ang maagang naglalaro. Sa unahan, may naglalaro rin pero mabagal. Sa inip nila, tinawag ang Greens Keeper para magreklamo.

Doc: Ano ba ang problema at ang babagal ng mga nauna sa amin.

Greens Keeper: Boss, sorry po dahil ‘yung nasa unahan ay mga bulag na Bombero. Na-bulag sila dahil sa maagap na pagpatay ng sunog doon sa paaralan ng mga bata. Dahil sa magiting na ginawa ng mga bombero, palagi po namin pinaglalaro nang libre dito sa golf course.” (Sa sinabi ng Greens Keeper, natahimik ang tatlo).

Pari: Naku, nakaaawa naman pala ang nangyari sa kanila. Mamayang gabi, ipagdarasal ko sila.

Doc: Aba, magaling na ideya iyan. Bukas, tatawagin ko ang Ophthalmologist at baka sakali may maitutulong pa siya sa mata ng mga Bombero.

Abogado: (Inis pa): Bakit hindi na lang sila maglaro sa gabi!