Pusakal na holdaper itinumba sa Divisoria

 

PATAY ang lalaking si alyas Linga makaraan barilin ng dalawang hindi nakilalang lalaki sa Sto. Cristo St., Binondo, Maynila. (ALEX MENDOZA)

TODAS ang isang kilalang ‘tirador’ sa Divisoria nang pagbabarilin ng hindi nakikilalang suspek habang nakaupo sa “tejeras” (folding chair), kamakalawa sa Sto. Cristo St., Binondo, Maynila.

Namatay noon din ang biktimang kinilala sa pangalang “Linga,” sanhi ng mga tama ng bala ng .9-mm baril.

Sa imbestigasyon ni SPO1 John Charles Duran, ng Manila Police District-Homicide Section, naganap ang pamamaril dakong 11:30 p.m. habang nagpapahinga ang biktima.

“Kilalang holdaper ‘yan don, nagtago daw ‘yan nang matagal tapos bumalik sa lugar, natiyempohan siguro kaya binira,”ayon kay Duran.

Nabatid, may tama ng bala sa ibabaw ng kaliwang mata ang biktima habang narekober ang tatlong basyo ng bala ng .9-mm baril sa pinangyarihan ng krimen.

Ayon kay Duran, sangkot ang biktima sa maraming kaso ng holdapan sa lugar na kalalabas lang sa kulungan.

Dinala ang bangkay sa St. Harold Funeral para sa awtopsiya at safekeeping.

(leonard basilio)