VP ng SMDC nahulog mula 16/f nalasog

PATAY ang mataas na opisyal ng SM Development Corp. (SMDC) makaraan mahulog mula sa 16 palapag ng condominium sa Makati City kamakalawa.

Ayon kay Makati City Police chief, Sr. Supt. Manuel Lukban, ang 52-anyos na si Efren Lim Tan, vice president for sales and property, ay bumagsak sa concrete canopy ng 7th floor ng BSA Condotel sa San Lorenzo Village.

Ayon sa driver ng biktima, ibinaba niya si Tan sa condominium dakong 9 a.m. kamakalawa.

Aniya, balisa si Tan, na sinabing may kukunin lamang sa kanyang unit sa 6th floor ng gusali.

Ngunit isang oras na aniya ang lumipas ay hindi pa bumabalik si Tan.

At dakong 10 a.m. ay nahulog si Tan mula sa balcony ng kanyang condominium unit.

Sinabi ni Lucban, ayon sa imbestigasyon, suicide ang insidente dahil walang nakitang palatandaan ng foul play.

(JAJA GARCIA)