HATAW! D'yaryo ng Bayan hatawtabloid.com
ESPESYAL talaga ng ‘TATLONG HARI’ sa listahan ni Napoles na sina Tanda, Sexy at Pogi.
Mantakin ninyong ipagpagawa pa ng espesyal na cubicle sa PNP Camp Crame.
Kung gagawan ng pelikula ‘yan, ang imumungkahi kong pamagat ‘e, “YARI NA ANG TARIMA NG TATLONG HARI.”
Kung hindi tayo nagkakamali ‘yang pinagpagawaan ng espesyal na cubicle ng ‘TATLONG HARI’ ‘e ‘yung PNP Custodial Center na dating pinagkukulungan sa mga terorista kuno.
Ang sumunod naman na ibinartolina d’yan ‘e yung mga ‘mutineers’ umano.
At ngayon nga ay inihahanda na para sa mga mandarambong … starring the three pork barrel kings.
(Bigla ko tuloy naalala noong panahon ni Kristo … ang mga magnanakaw at mandarambong ay ipinapako sa krus. Napakatipid no’n).
‘E kasi naman magastos dahil mula sa pera ng taong bayan pa ‘yang pagpapagawa ninyo ng cubicle para sa mga isinasangkot sa pandarambong sa P10-billion pork barrel scam.
Bakit hindi na lang sa BJMP detention cell doon sa Bicutan?!
Tsk tsk tsk …
Kapag ordinaryong tao na ang kaso ay snatching o robbery deretso sa selda, may ‘binyag,’ bugbog at kulata pa.
Heto, ang ‘tatlong hari’ na naging sanhi ng katakot-takot na kahirapan at paghihikahos ng sambayanan, ng pagpapakamatay ng isang UPCAT passer na si Kristel Tejada dahil hindi siya makapag-enrol sa UP Manila, ‘e ipinagpapagawa pa ng SPECIAL CUBICLE?!
Subukan na lang kaya nating IPAKO sa krus ‘yang mga mandarambong na ‘yan, baka sakaling matakot pa ang dina-dinastiyang mga plunderer sa kaban ng bayan?!
Ano sa tingin ninyo, Justice Secretary Leila De Lima?!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
