Misis may kabit sa panaginip

Dear Señor H,

Mdlas ko nppanaginipan ang misis q na meron syang kbit, mdlas dn kmi nag-aaway ngayon, plz nterpet my drims… plz… plz don’t post my cp #! Tnx po sir, im allen en wait q ans nyo s hataw…

To Allen,

Ang panaginip mo ay repleksiyon ng kawalan o kakulangan ng lubos na tiwala sa iyong asawa. Iyan kasi ang nasa isip mo, kaya natural na mag-manifest o lumabas din iyan sa iyong bungang-tulog.

Subalit dapat mong tandaan na ang isa sa mahalagang pundasyon ng masaya at matatag na relasyon ay ang tiwala sa isa’t isa.

Kaya kung wala ka namang dahilan para magselos o hindi magtiwala sa mahal mo, dapat mong iwaksi sa iyong isipan ang ganitong mga pag-iisip o pagsususpetsa.

Nagpapakita rin ang ganitong tema ng panaginip ang iyong insecurities at ang iyong takot na ikaw ay abandunahin ng mahal mo. Maaa-ring kasama na rito ang pakiramdam na ikaw ay nababalewala, napapabayaan, at hindi nabibigyan ng atensiyon sa inyong relasyon.

O kaya naman, pakiramdam mo ay hindi masyadong nagpapakita ng sapat na pagmamahal sa iyo ang iyong asawa. Alternatively, posible rin naman na ito ay manifestation na sa wari mo, hindi mo nagagawa o hindi ka umaabot sa expectations sa iyo ng iba, lalo na ang mga taong malalapit sa iyo at mga mahal mo sa buhay. Isa pang maaaring dahilan ng ganitong bungang-tulog ay ang kakulangan ng satisfaction sa kasalukuyang relasyon.

Posible rin naman na ikaw ay may kinuku-yom na guilty feelings hinggil sa isang relas-yong sekswal o naghahanap ka ng mas matin-ding erotic sex life. May kaugnayan din sa discord at unresolved issues ang iyong panaginip. Maaari rin naman na kung ano-ano ang iniisip mo dahil sa iba’t ibang haka-haka na pumapasok sa utak mo kapag kayo ay nag-aaway, kabilang na ang pagsususpetsa sa asawa mo, kaya nagiging ganyan ang panaginip mo.Kaya maka-bubuting harapin at tuldukan na ang mga bagay na nagiging mitsa ng inyong suliranin at hindi pagkakaunawaan. Mainam din na pag-usapan ninyo ng maayos ng iyong asawa ang mga issue na bumabagabag sa iyong isipan, upang kayo ay lubos na magkaliwanagan at magkaroon ng matiwasay na pagsasama.

Goodluck sa iyong pamilya and God bless.

Señor H.