HATAW! D'yaryo ng Bayan hatawtabloid.com
KINOMPIRMANG gumawa nga ang aktres na si Lindsay Lohan ng listahan ng mga taong nakatalik niya, at may ilang pa-milyar na mukhang napasama rito.
Isinulat ng 27-anyos na aktres ang 36 na kilalang ‘lovers’ sa isang pirasong papel na nakuha ng InTouch Weekly.
Kabilang sa A-Listers ni Lohan na kanyang naka-sex ay sina Ashton Kutcher, Zac Efron, Adam Levine at ang yumaong Heath Ledger.
Ayon sa magazine, nakuha nila ang impormasyon mula sa isang source na nagbigay sa kanila ng pirasong papel na naglalaman ng listahan, na isinulat ni Lindsay noong kasama ang kanyang mga kaibigan sa Beverly Hills Hotel nitong nakaraang Enero 30.
“Naghahagikhikan sila at nag-uusap tungkol sa s— ng iba’t ibang mga personalidad sa industriya,” pahayag ng source.
“Personal niyang conquest list ito,” patuloy ng insider. “Gusto niyang ma-impress ang kanyang mga kaibigan sa listahan tapos itinapon niya iyong listahan.”
Lumilitaw na napakarami ng kanyang naging mga ex-lover kaya nahirapan ang Mean Girl actress na matandaan ang lahat sa kanila.
Tumitigil-tigil pa si Lohan “na para bang inaalala kung sino-sino ang nakasama niya,” dagdag ng source.
Ang ilan pang malalaking celebrity na nasa listahan ay ang Irish actor na si Colin Farrell at sina Joaquin Phoenix, James Franco at Max George ng The Wanted.
“Naglalaman iyong listahan ng malalaking pangalan, at hindi lahat mga binata,” sabi ng isa pang insider. “Kapag na-bulgar ito, mayayanig ang Hollywood.”
Wala pang reaksyon mula sa kampo ni Lohan ukol sa listahan, at gayundin mula sa mga nakalistang mga aktor.
Sa pagna
nais na ma-ti-yak ang kredibilidad ng listahan, nagsagawa na rin ng paghahambing sa estilo ng pagsusulat ni Lindsay sa sinulat niyang mensahe sa crew ng Saturday Night Live . . . at mukha namang magkapareho ang sulat-kamay ni Lohan.
Kinalap ni Tracy Cabrera
