Calayag ng NFA nagbitiw

NAGBITIW na sa pwesto si National Food Authority (NFA) Administrator Orlan Calayag.

Ayon sa ulat, layunin niyang mabigyan ng kalayaan ang bagong talagang kalihim na mangangasiwa sa NFA at iba pang ahensya ukol sa food supply na si Sec. Kiko Pangilinan.

Matatandaan, itinalaga si Pangilinan noong nakaraang linggo lamang, kasabay nang pagbuo ng hiwalay na tanggapan mula sa Department of Agriculture (DA) na dating may hawak sa NFA.

Si Calayag ay itinalaga ni Pangulong Benigno “Noynoy” Aquino III noong Enero 17, 2013 sa kanyang tanggapan bilang kapalit ni Angelito Banayo na tumakbo noon sa halalan bilang kongresista.

Habang noong nakaraan weekend lamang ay nagbitiw si Philippine Charity Sweepstakes Office (PCSO) Chairperson Margie Juico.

(BETH JULIAN)