HATAW! D'yaryo ng Bayan hatawtabloid.com
DEAD on the spot ang close-in security ni Mayor Gerald Valdez, ng San Ildefonso, Bulacan, nang pagbabarilin ng hindi kilalang suspek habang papasok ng subdivision sa Barangay Sabang, Baliuag, kamakalawa ng gabi.
Kinilala ang biktimang si Virgilio Valdez, 39, ng Barangay Buhol na Mangga, San Ildefonso, namatay noon din sanhi ng mga tama ng bala sa iba’t ibang parte ng kawatan mula sa kalibre 45 baril.
Sa inisyal na ulat nina PO2 George Cruz at PO3 Dante Castillo, dakong 10:20p.m. naganap ang pamamaril sa Milflora Homes Subdivision sa nabanggit na barangay, nang salubungin ng armadong lalaki at pagbabarilin ng suspek na agad tumakas.
Sinisilip ng pulisya kung may kaugnayan sa politika ang motibo ng pamamaslang.
(DAISY MEDINA)
