Rihanna mas gustong nakahubad

LUMIKHA man ng kontrobersiya ang mga hubad na larawan ni Rihanna at tan line photos, agad naman dinepensahan ng pop singer na biniro pa ang Instagram matapos hingin na i-delete ang mga nasabing imahe.

Tunay ngang lumikha ng kaguluhan matapos na i-post ni Rihanna ang kanyang mga hubad na larawan mula sa Lui magazine sa kanyang Instagram account.

Malinaw na proud ang sikat na mang-aawit sa kanyang mga larawan kaya inilagay niya sa kanyang pahina ilang minuto lamang makaraang mapalagay sa internet.

Nilagyan pa niya ng caption na: “LUI. There was 1 rule to this shoot…TAN LINES!!!! Thank you.”

At natitiyak naman na hindi na-overlook ang mga alituntunin sa Instagram.

Gayon pa man, nang makita ang mga larawan ng maraming Instagram user, nagsimula na ang kontrobersya kaya hiniling ng Instagram na alisin ang mga ito.

Sa totoo lang, mayorya ng nakakita sa   mga larawan ay hindi na-impress sa halos hubad na imahe ni Rihanna.

Kinalap ni Tracy Cabrera