HATAW! D'yaryo ng Bayan hatawtabloid.com
NAGSUMITE na ng kanyang resignation letter si National Disaster Risk Reduction and Management Council (NDRRMC) executive director Undersecretary Eduardo del Rosario.
Ito ang kinompirma ni Maj. Reynaldo Balido, ang tagapagsalita ng NDRRMC.
Ayon kay Balido, nitong Abril 24 isinumite ni Del Rosario kay Defense Sec. Voltaire Gazmin ang kanyang resignation letter.
Sinasabing ang humihinang kalusugan ni Del Rosario ang dahilan ng pagbibitiw niya sa pwesto.
Pebrero ng nakalipas na taon nang umupo si Del Rosario sa NDRRMC kapalit ng nagbitiw din na si Usec. Benito Ramos.
Samantala, wala pang pinangalanan ang NDRRMC kung sino ang posibleng papalit sa iniwang tungkulin ni Del Rosario.
(BETH JULIAN)
