HATAW! D'yaryo ng Bayan hatawtabloid.com
KALIBO, Aklan – Patay ang bank manager ng Rural Bank of Ibajay sa lalawigan ng Aklan makaraan barilin at pagkaraan ay sinunog ang banko ng hindi nakikilalang salarin kahapon ng umaga.
Kinilala ang biktimang si Gabriel Manican, residente ng Poblacion Ibajay, Aklan.
Base sa pahayag ni Senior Insp. Ariel Nacar ng Ibajay PNP, nauna silang nakatanggap ng impormasyong nasusunog ang naturang banko.
Agad nagresponde ang mga tauhan ng Bureau of Fire Protection (BFP-Ibajay) at sa kanilang pagpasok sa banko upang maapula ang apoy, nakita nila ang bank manager na nakaupo sa sahig at duguan.
Dinala sa Ibajay District Hospital ang biktima ngunit idineklarang dead on arrival. (B. JULIAN)
