HATAW! D'yaryo ng Bayan hatawtabloid.com
ni Maricris Valdez Nicasio
MARAMI talaga ang sumusubaybay sa teleserye nina Julia Barretto, Enrique Gil, at Sam Concepcion, ang Mirabella dahil top trending topic sa Twitter ang ginawang pang-aapi kay Mirabella.
Ang tinutukoy namin ay ang episode na napanood noong Abril 23 na inimbitahan si Mirabella (Julia) ni Terrence (Sam) na dumalo sa isang party. Doo’y kinatuwaan si Mirabella at inapi-api ng mga dumalo sa party.
Nag-trend ang hastag na #MirabellaTheFreakShow, na no. 1 topic sa Philippines at no. 2 naman worldwide.
Matindi rin ang nakuhang ratings ng Mirabella mula Abril 21. Ayon sa datos mula sa Kantar Media, wagi ang teleseryeng pinagbibidahan ni Julia kontra sa bago nitong katapat na programa sa GMA. Humataw ang Mirabella ng 20.5% national TV rating, o halos 10 puntos na kalamangan kompara sa My Love From The Star na nakakuha lamang ng 11%.
Samantala, mas magiging kapana-panabik ang mga susunod na tagpo sa Mirabella sa nalalapit na pagpasok sa buhay ni Mira (Julia) ng mahiwagang dalagitang si Bella. Sino si Bella at ano ang pagbabagong dadalhin niya sa mundo ni Mira? Huwag palampasin ang teleseryeng babago sa kahulugan ng tunay na kagandahan, Mirabella gabi-gabi, bago mag-TV Patrol sa Primetime Bida ng ABS-CBN.
