HATAW! D'yaryo ng Bayan hatawtabloid.com
PATAY ang 28-anyos lalaki nang makipagbarilan sa mga kagawad ng Montalban PNP nang maaktohan habang hinoholdap ang Indian National sa Rodriguez, Rizal kamakalawa ng umaga .
Kinilala ni Supt. Samuel Delorino, hepe ng Rodriguez Police, ang napatay na si Marlon Garcia, 28, nakatira sa Blk. 9, L-65, Phase-1D, Kasiglahan Villa ng nasabing bayan.
Ang suspek ay positibong kinilala ng biktimang si Dilbad Singh, 35, Indian national, na siyang nangholdap sa kanya.
Sa imbestigasyon ni SPO1 Vladimir Dizon, dakong 8:15 a.m. nang mangyari ang pakikipagbarilan ng suspek kina SPO3 Noel Cruz at PO1 Calma nang maaktohan na hinoholdap ang biktima.
Pinakiusapan ng mga pulis ang suspek na sumuko ngunit sila ay pinaputukan kaya nagresulta ang insidente sa palitan ng putok na ikinamatay ni Garcia.
Napag-alaman, madalas na Indian national ang hinoholdap ng suspek.
(EDWIN MORENO)
