100 bahay winasak ng buhawi sa GenSan

GENERAL SANTOS CITY – Tinatayang higit sa 100 bahay ang nawasak at napakaraming punong-kahoy ang natumba nang hagupitin ng buhawi ang mga barangay ng Tinagacan at Batomelong sa lungsod ng General Santos.

Inihayag ni Tinagacan Barangay Captain Dagadas Panayaman, pitong purok sa kanyang barangay na kinabibilangan ng Purok 2, 4, 5, 6, 7, 10 at 13 ang apektado ng nasabing kalamidad.

Habang sinabi ni Purok-5 Secretary Marylou Hasin ng Brgy. Batomelong, sa kanyang talaan ay umaabot sa 40 kabahayan ang nasira nang tamaan nang malakas na hangin ang kanilang lugar. (BETH JULIAN)