HATAW! D'yaryo ng Bayan hatawtabloid.com
KUKWESTYUNIN ng prosekusyon ang tumatagal na pananatili ni Janet Lim-Napoles sa Ospital ng Makati (OsMak), at hindi pa rin naooperahan.
Ayon kay Special Prosecutor Christopher Garvida, sa susunod na linggo ay matatapos na ang ibinigay na 26 araw ng Makati Regional Trial Court (RTC) Branch 150 para maoperahan si Napoles.
Para kay Garvida, kung hindi maisasagawa ang surgery ay mainam na ibalik na lamang sa kulungan si Napoles.
Nilinaw din niyang hindi nila inaalis ang humanitarian consideration sa binansagang pork barrel fund scam queen, ngunit hindi rin nila palalagpasin ang ano mang special treatment.
Ang pagbibigay daan aniya para masuri at magamot ni Napoles ng private doctors ay hindi na nila kinuwestyon, ngunit kung lalagpas sa itinakdang araw ay maituturing nang kalabisan.
