HATAW! D'yaryo ng Bayan hatawtabloid.com
NALILIMUTAN yata ng mga tagapagsalita ni Pangulong Benigno “Noynoy” Aquino III na sila ay nagsasalita alunsunod sa kung ano ang posisyon ng Pangulo o ng pamahalaan sa mga importanteng isyu na kinakailangan bigyan ng impormasyon o assurance ang publiko na may ginagawa ang Palasyo.
Ang siste, pagharap ng mga tagapagsalita ni PNoy sa publiko ‘e ‘yung mga sarili nilang opinyon at haka-haka ang inihahayag nila sa madla.
Gaya na lang nitong nakaraan na biglang humulagpos ang ‘dila’ ni PCOO Secretary Herminio ‘Sonny’ Coloma, Jr.
Aba, ang isagot ba naman sa hinaing ng mga commuters sa nakakukunsuming serbisyo ng MRT/LRT ‘e kung nahihirapan maghanap na lang daw ng ibang sasakyan ‘yung mga pasahero?!
Grabe ka kolokoy!
‘E mas taklesa pa pala itong si Secretary Coloma kay presidential sister KRIS AQUINO.
Nalilimutan yata ni Sec. Coloma na ang MRT ay naisakatuparan sa pamamagitan ng ‘UTANG’ na binabayaran ng buwis ng mamamayan.
Kaya nga gustong mag-MRT ng commuters ‘di ba, dahil ‘yan ang mass transportation system na dapat nagseserbisyo sa kanila nang tama at alam nilang makararating agad sila sa paroroonan nila.
Tapos bibigyan mo sila ng option na sumakay sa bus?!
Hey, Secretary Coloma, alam mo ba kung ano ang ginagawa mo?!
E kung hindi ka pa BINOMBA ng netizens, mag-APOLOGIZE ka kaya?
Kung tutuusin nga dapat hindi lang APOLOGY, dapat nag-RESIGN ka na.
Para naman kasing pati ikaw hindi na kombinsido sa sinasabi mo … hehehe …
Ang tanong nga ‘e, may naniniwala pa ba sa iyo?!
Pakitanong na lang kay Undersecretary Rey Marfil, Secretary Coloma.
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
