HATAW! D'yaryo ng Bayan hatawtabloid.com
NAGBIGTI ang isang lalaki makaraan niyang saksakin ang kanyang hipag kahapon sa Quezon City.
Kinilala ang nagbigting suspek na si Ralph Alejandro, 48, may-asawa, ng #24 Vices St., Carmel 5 Subd., Tandang Sora, Quezon City.
Samantala, inoobserbahan sa Pacific Global Medical Center ang hipag ng suspek na si Zorayda Tantua, 50, may-asawa, residente rin sa naturang address.
Ayon kay SPO2 Edwin dela Cruz ng Quezon City Police District (QCPD) Station 3, naganap ang insidente dakong 7 a.m. sa nasabing lugar.
Ayon sa ulat, nasa loob ng bahay ang biktima nang bigla siyang saksakin ng suspek sa balikat, dibdib at tiyan bago pumasok sa kanyang kwarto ang salarin.
Agad nagresponde sa insidente ang mga awtoridad at pinakiusapan ang suspek na sumuko.
Ngunit hindi lumabas ang suspek kaya sapilitang binuksan ng mga pulis ang silid.
Ngunit nabungaran nilang walang buhay nang nakabigti ang suspek.
(JETHRO SINOCRUZ)
