HATAW! D'yaryo ng Bayan hatawtabloid.com
NAGHARAP sa round seven ang dalawang Pinoy GMs na sina John Paul Gomez at Richard Bitoon kaya naman nauwi lang sa draw ang kanilang laban sa DYTM Raja Nazrin Shah KL International Open Chess Championships 2014 sa Malaysia kamakalawa.
May tig 5 puntos sina No.3 seed Gomez (elo 2524) at ranked No. 20 Bitoon (elo 2414) sa event na ipinatutupad ang nine rounds swiss system.
Bukod kina Gomez at Bitoon, kasalo nila sa segundo puwesto ang siyam na woodpushers papasok sa eight at penultimate round.
Mag-isa sa unahan si top seed at super GM Sergei Tiviakov (elo 2651) ng The Netherlands na may 6 points matapos pisakin si IM Moulthun Ly (elo 2440) ng Australia.
(ARABELA PRINCESS DAWA)
