HATAW! D'yaryo ng Bayan hatawtabloid.com
ni Maricris Valdez Nicasio
BONGGA ang isinagawang unveiling ng pinakabagong showbiz portal, ang www.psr.ph na kinabibilangan ng mga respetado at iginagalang na showbiz writers.
Ang PSR o Philippine Showbiz Republic ay binubuo nina Rodel Fernando—editor-in-chief at kasalukuyang assistant secretary ng Philippine Movie Press Club, at may 15 taong experience na bilang movie reporter at writer, at sina Rommel Placente at Mildred Bacud (kapwa kolumnista ng pahayagang ito) naman ang executive editors at kasalukuyang anchor ng PSR podcast, ang Showbiz Unlimited.
Si Placente ay gradweyt ng Tourism sa Polytechnic University of the Philippines (PUP) at kolumnista ng maraming pahayagan samantalang si Bacud naman ay gradweyt ng Mass Communication sa Lyceum of the Philippines at kasalukuyang secretary ng PMPC. Kasama rin nila sa editorial board si Marla David, iang customer service connoisseur, banker, pocket event producer, entrepreneur, at showbiz enthusiast.
“Responding to press—our aim is not just to provide you entertainment news—our aim is to be responsible showbiz journalists and take note, this is not simply our business—this is our profresion,” sambit ni Marla.
