HATAW! D'yaryo ng Bayan hatawtabloid.com
PORMAL na lumiham sa Manila Office of the City Accountant si Manila District 1 Konsehal Dennis Alcoreza para alamin kung magkano talaga ang opisyal na nakuha ng Barangay 128 na pinamumunuan ni Barangay Chairman SIGFRED HERNANE sa Real Property Tax (RPT) share of income.
Marami na rin daw kasing barangay chairman ang nagreklamo at humingi ng tulong kay Alcoreza kung bakit ang P52 milyon RPT share of income (scam?) ay mag-isang napunta lang sa Barangay 128.
Gayong ang nasabing P52 milyon RPT ay mula umano sa commercial at business establishments na matatagpuan sa harbour area.
Sa liham ni Alcoreza kay Office of the City Accountant officer-in-charge, Rosario Planas, sinabi ni Alcoreza na sa ngalan ng mga ‘naagrabyadong’ barangay, nakialam na siya at ipinaabot na niya kay Erap ang pangyayari.
Mismong si Erap daw ay naniniwala na ang City Council Resolution 154 ay hindi parehas sa iba pang barangay na dapat makinabang dito kaya inutusan daw si Alcoreza na humanap ng paraan kung paano maipapamahagi nang parehas ang RPT share of income sa mga kinauukulang barangay.
Aba ‘e kung totoo nga ‘yan, ‘e mabuti naman Konsehal Alcoreza.
Para may ‘marinig’ naman kami na may ginawa kang makabuluhan para sa constituents ng Maynila.
Kaya mo bang kasuhan ang mga Konsehal na nagpasa ng kwestionableng resolution na ‘yan pati na si Chairman Hernane!?
Naniniwala naman tayo na kaya mong gawin ‘yan … ‘wag lang sana for the sake of ‘grandstanding.’
At ‘wag rin naman matsubibo lang ang mga punong barangay na nabukulan sa resolution na ‘to!
‘Di ba, Konsehal?
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
