HATAW! D'yaryo ng Bayan hatawtabloid.com
TATLO ang arestado kabilang ang empleyado ng ospital, nang maaktohang humihitit ng shabu sa loob ng kuwarto ng ospital, sa Caloocan City.
Kinilala ang mga suspek na sina Dennis Santos, 43-anyos, ng Block 14-H, lot 18, Phase 3-C Dagat-Dagatan, emple-yado ng Caloocan City Medical Center (CCMC), Rick Valderama, 34-anyos, ng #6551 Libis Espina, at Rhonnel Avila, 21 anyos, ng #6106 Libis Nadurata.
Ang tatlo ay nahaharap sa kasong Violation of Sec. 12 (Possession of Drug Paraphernalia) at Sec. 15 (Using of Illegal Drugs) Article II ng Republic Act 9165.
Sa ulat ni PO3 Rodelio Andales, may hawak ng kaso, dakong 10:00 p.m., nang makatanggap siya ng tawag mula kay Dr. Fernando Santos, administrator ng Caloocan City Medical Center (CCMC), tungkol sa kahina-hinalang kilos ng tatlong tao.
Nagresponde si Andales, kasama si Dr. Santos at si Nolito Mirano, kanilang pinasok ang kuwarto ng ospital kaya naaktohan ang tatlong humihitit ng shabu.
Samanatala, caught in the act ang tatlong adik habang humihitit ng shabu sa loob ng bahay ng notoryus pusher, kamakalawa ng gabi sa Navotas City.
Kulong ang mga suspek na sina Edwin Agbuya, 44; Andrew Ocsales, 26-anyos at Susan Manlolo, pawang residente ng Block 7, Lot,11, Phase 1-B Gurami St., Brgy. North Bay Boulevard South (NBBS).
(rommel sales)
