HATAW! D'yaryo ng Bayan hatawtabloid.com
PINAALALAHANAN ni Philippine Charity Sweepstakes Office (PCSO) General Manager Jose Ferdinand Rojas II, ang mga mananaya na pumila ng maaga sa mga lotto outlet dahil sa pagdagsa ng mga mananaya na makuha ang mahigit P190 milyong premyo ng 6/55 Grand Lotto ngayong gabi (Lunes) .
Ani Rojas, inaasahan na ang mahabang pila sa mga lotto outlet makaraang wala isa mang nakakuha sa kombinasyong 40-41-24-09-34-21 na may kabuuang jackpot prize na P186,710,092.00 na binola noong Sabado ng gabi.
Papalo na sa P198 milyon ang premyo ng 6/55 Grand Lotto matapos bumenta noong araw ng Sabado ng mahigit P64-M ang bolahan kung saan 14 na mananaya ang nakakuha sa limang kombinasyon na may premyong P186,710.092.00 habang 1,383 namang mananaya ang nag-uwi ng tig-P1,850 sa apat na kombinasyon at 33,553 bilang ng mananaya ang nakakuha sa tatlong numero na may palit-tiket.
(JAJA GARCIA)
