HATAW! D'yaryo ng Bayan hatawtabloid.com
ni Maricris Valdez Nicasio
MATAGUMPAY na ipinagdiwang ng Hotel Sogo ang kanilang ika-21 anibersaryo na ginanap sa Elements Centries. Naging guest performers sina Faith Cuneta, Jason ng Rivermaya, X-Factor winner—Daddy’s Home, at ang itinanghal na Mr. & Ms. Hotel Sogo Ambassadors 2014 na sina Vince Vargas at Glaiza Sarmiento.
Sa kasalukuyan, mayroon nang 33 branches nationwide ang Hotel Sogo na inilunsad kamakailan ang bagong branch sa Naga City.
Sa anniversary/thanksgiving party, pinarangalan ng management ang loyal employees sa kanilang serbisyo for the past 20 years. Nagkaloob din ng Manager of the Year at Branch of the Year awards.
Ayon kay Mr. Edmundo Las, Hotel Sogo’s CEO, ang tagumpay ng kanilang kompanya ay dahil sa patuloy na pagtangkilik ng mga tao at siyempre, sa magagandang serbisyong ibinibinigay ng kanilang mga empleado. Sa patuloy na pagdagdag ng mga branch nito, maraming job opportunities ang naibibigay.
Bukod sa Hotel Sogo, mayroon pang businessman’s hotel, Eurotel, at Eurotowers (condominiums sa Cubao, Davao, at sa Fairview, QC).
Dumalo rin sa pagdiriwang sina COO Mr. Gus Corpus, Finance Director Mr. Raul Dy, HRD Director Rolina Dimalanta, Engineering Director Arct. Onin Delos Santos, Sogo Employee Relations Council Chairman Mr. Joey Flores, Sector Heads, Hotel Branch Managers, Department Heads, at Board of Directors.
