Baril ni mayor ginamit sa suicide ng kapatid

DAGUPAN CITY – Patay na nang matagpuan ang kapatid na babae ng isang alkalde sa kanilang bahay sa Brgy. Gumata, San Carlos City, lalawigan ng Pangasinan.

Pinaniniwalaang nagbaril sa sarili ang 18-anyos kapatid ni San Carlos City Mayor Jullier “Ayoy” Resuello na isang nursing student.

Gamit ang caliber .22 baril na pagmamay ari ng alkalde, winakasan ng estudyante ang buhay sa pamamagitan ng pagbaril sa kanyang ulo.

Hawak pa ng dalaga ang kanyang cellphone habang duguang nakahandusay sa sahig ng kanyang silid.

Labis ang pagtataka ng pamilya kung ano ang sanhi ng pagpapakamatay ng biktima lalo’t hindi nila kinakitaan ng ano mang senyales ng depression at wala rin nababangit na problema sa pamilya.

(BETH JULIAN)