HATAW! D'yaryo ng Bayan hatawtabloid.com
BINARIL at napatay ang graduating high school student ng kanyang schoolmate sa Brgy. Rizal, sa bayan ng Claveria,
Misamis Oriental kamakalawa ng hapon.
Ang biktimang si John Rey Balayong, 19, ay binaril at napatay ni Nico Labastida, 19-anyos, kapwa mga estudyante ng Rizal National High School.
Sa inisyal na imbestigasyon, nag-inoman ang dalawa sa labas ng school campus nang mag-walkout ang suspek makaraan ang mainitan nilang pagtatalo.
Ngunit bumalik ang suspek na armado ng .45 caliber pistol at binaril ang biktima.
Sumuko ang suspek kay Barangay Malaguing Chairman Linda Nandong kamakalawa ng gabi at ngayon ay nasa kustodiya na ng pulisya.
Ang suspek at ang biktima ay nakatakda sanang magmartsa sa kanilang graduation rites sa Marso 28.
