HATAW! D'yaryo ng Bayan hatawtabloid.com
ABUSADO raw ba at nagsisiga-sigaan ang hepe ng MANILA TRAFFIC AND PARKING BUREAU (MTPB) na si Carpenter ‘este’ Carter Logica lalo na kung lango sa alak?
‘Yan po ang sinasabi ng mga kalugar n’ya sa BALUT Tondo, Maynila!?
Marami na rin ang nagrereklamo sa kanyang sariling lugar sa isang MATAPANG at SIGA kuno na si CARTER LOGICA na nakikitang may sukbit na baril kapag nauulol ‘este’ nalalasing umano. Ang trip daw ni Carter ay manita at manindak ng mga nakaparadang trak sa kanyang lugar kapag medyo may ‘tama’ na sa alak sabay tawag sa RWM towing para batakin ang mga POBRENG TRAK sa kanyang lugar.
Minsan nga raw may pumalag sa kanyang trak driver na nagbibigay naman ng ‘tong’ sa MTPB na pinagmumura at inaway-away n’ya. ‘E kaso hindi siya nakilala ng driver at akmang papatulan kaya biglang bumunot at inilabas ang bayag ‘este’ baril n’ya sabay paki lala na siya ang herpes ‘este’ hepe ng MTPB. Kasunod nito ay tumawag ng maraming towing trak at ipinahatak lahat ng trak na nandoon.
Sonabagan!!!
Ito pa, tinuturuan pa raw ng isang MTPB official ang dalawang PULIS sa MPD-NORTHBAY COMPAC na MANGOTONG ng tig-P500 hanggang P1,500 kada TRAK na daraaan sa nasabing POLICE OUTPOST at ang estilo ay hahanapan ng butas ang trak na daraan kahit walang kaukulang checkpoint signage.
Inisyuhan pa raw ng MTPB ng traffic tickets ang dalawang panggabi na bagitong pulis para gamitin sa pangongotong sa mga pobreng trak drivers.
MTPB CARTER “TOTOY” LOGICA, ganyan ba talaga ang kalakaran ngayon sa MTPB?
Tandaan mo Carter Logica, weder-weder lang ‘yan … lahat ay may katapusan rin. Ayaw ko naman na dumarami ang nagagalit at nagmumura sa ‘yo at makita ka isang araw na nakabulagta sa lugar mo?!
Payong kaibigan ‘yan!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
