HATAW! D'yaryo ng Bayan hatawtabloid.com
IRRESPONSIBLE journalism ang sagot ng kampo ni Erwin Tulfo ng TV 5 sa inilabas na istorya ng Philippine Daily Inquirer (PDI) na nakatanggap umano siya ng pay-off mula sa P10-billion pork barrel scam sa pamamagitan ng National Agri Business Corp. (NABCOR).
I repeat, pay-off (bribe – according to Merriam Webster dictionary) daw?!
In short, biktima ng sensational journalism si Erwin Tulfo.
Kung hindi tayo nagkakamali, naglabas na ng statement ang TV 5 at nanindigan sa kredebilidad ni Katotong Erwin.
Kung hindi umano maglalabas ng retraction o paumanhin ang Philippine Daily Inquirer (PDI) partikular ang kanilang reporter na si Nancy Carvajal, ‘e mapipilitan magsampa ng demanda ang katoto natin bilang proteksiyon din sa kanyang reputasyon.
Kakasuhan din ni katotong Erwin ang dalawang NABCOR official na tinukoy ni Carvajal na kanyang source sa nasabing istorya.
Sa istorya ni Carvajal, sinabi umano ng dalawang NABCOR official na sina Rhodora Mendoza at Vic Cacal na ang tseke na mayroong halagang P249,000 ay pinalalabas lang umano na advertisement payment.
Ang nasabing tseke, may petsang March 2009, ay na-encash umano sa UCPB bank sa Ortigas.
Pero ayon sa abogadong si Atty. Nelson Borja, abogado ni Erwin, kung meron mang tseke, tiyak na bayad sa commercial placement o advertisement ng DA o NABCOR sa DZXL na dating radio station/kompanyang pinapasukan ni Tulfo bilang anchor.
Aniya, “Suportado ‘yan ng mga dokumento tulad ng BIR forms na kinaltasan ng buwis kaya malinaw na bayad sa ads/commercial ‘yan at hindi suhol ng NABCOR,” paliwanag ni Borja.
Bukod nga sa naging sensationalize, ni hindi man lang umano nagtangka si Carvajal na i-check sa DZXL kung nagpa-commercial nga ang NABCOR o hindi.
Malinaw umano na malisyoso at mukhang mayroong agenda ang paglalabas ng nasabing istorya.
Araykupo!!!
Oo nga naman. Kung ang tsekeng napunta kay katotong Erwin ay personal check ni Janet Lim Napoles, ‘yan maniniwala pa tayong suhol.
Pero tseke ng NABCOR ‘di ba at mayroong mga kaakibat na dokumento na nagpapatunay na isang legal business transaction ang namagitan sa NABCOR at sa estasyon ng radio ni Mr. Tulfo.
Mamamahayag din po tayo kaya naiintindihan natin ang sentimyento ni katotong Erwin.
Ano ba ito?
Dog-eat-dog world?!
Tsk tsk tsk …
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
