HATAW! D'yaryo ng Bayan hatawtabloid.com
KRITIKAL ang kalagayan ng 30-anyos kelot nang pagtatagain ng nagselos na kapitbahay dahil sa pagbati ng happy birthday sa kinakasama ng suspek, sa Malabon City, kahapon ng madaling araw.
Inoobserbahan sa Jose Reyes Memorial Medical Center (JRMMC) ang biktimang kinilalang si Randy Sabanal, 30-anyos, ng #41-Dr. Lascao St., Brgy. Tugatog ng nasabing lungsod, sanhi ng mga taga sa balikat at ulo.
Tugis ng mga awtoridad ang suspek na si Jeffrey Miranda, alyas Jeffrey Kabayo, kalugar ng biktima na mabilis tumakas matapos ang insidente.
Sa ulat ni SPO1 Edsel dela Paz, may hawak ng kaso, dakong 2:00 ng madaling araw nang maganap ang insidente ilang metro ang layo sa bahay ng biktima.
Nauna dito, narinig ng suspek na binati ni Sabanal ng happy birthday ang kanyang kinakasamang si Rizza, sa loob ng isang videoke bar sa nasabing lugar.
Dito umuwi ang suspek at kumuha ng itak saka inabangan si Miranda at nang magkasalubong ay agad pinagtataga ang biktima.
(rommel sales)
