Leftists sa Bicol nagtalaga ng bagong spokesperson

NAGA CITY – Walong buwan makaraan mapaslang ang tagapagsalita ng rebeldeng New People’s Army (NPA) sa enkwentro ng militar at makakaliwang grupo sa Calomayon, Juban, Sorsogon, nagtalaga na ng bagong tagapagsalita ang grupo.

Sa ipinalabas na mensahe ng CPP-NPA-NDF-Bicol, kinompirma nito na mayroon na silang bagong tagapagsalita sa katauhan ni Maria Roja Banua.

Magugunitang Hulyo 4, 2013 nang mapaslang ang dating spokesperson ng grupo na si Frankie Joe Soriano o mas kilala sa tawag na Ka Greg Banares, kasama ang pitong iba pang matataas na opisyal ng NPA.