4-anyos pinatay, pinutulan ng paa ng rapist

CAGAYAN DE ORO CITY – Makalipas ang 10 araw na pagkawala, narekober  ngunit wala nang buhay ang 4-anyos batang babae sa Brgy. San Luis, Malitbog, Bukidnon.

Kinilala ang biktimang si Jenny Cagampang, residente sa nasabing lugar.

Sinasabing karumal-dumal ang naging pagpatay sa biktima dahil pinutol ang dalawang paa at may malaking sugat sa ulo.

Nakahubad ang biktima nang matagpuan kaya pinaniniwalaang ginahasa muna bago pinatay ng hindi nakilalang suspek.

Nasa advance state of decomposition na ang biktima nang makita sa madamong bahagi sa nabanggit na lugar.

Nagpapatuloy on ang pag-imbestiga ng pulisya hinggil sa nasabing krimen.