HATAW! D'yaryo ng Bayan hatawtabloid.com
THE traditional politics, the Filipino way …
‘Yan ang nakikita natin sa maagang DEKLARASYON ng kampo ni Vice President Jejomar Binay para sa 2016 Presidential election. Ang malakas daw na tandem ni VP Binay ay si Batangas Gov. Vilma Santos.
Ganoon din si Sen. Alan Peter Cayetano na naghahanap pa ng ka-tandem.
Habang umuugong naman ang Mar Roxas – Kris Aquino tandem.
Anak ng tungaw!!!
Hindi pa nagmamarka ang administrasyon ni Pangulong Benigno ‘Noynoy’ Aquino III ‘e 2016 na ang pinaghahandaan ng mga TRAPONG nakaupo sa PWESTO.
Ni wala pa ngang isang taon matapos ang 2013 elections ‘di ba!?
Mahiya naman kayo!
Hayaan ninyong matapos muna ang serbisyo ninyo bago kayo mag-ambisyon ng mas mataas na pwesto!
E dito lang talaga sa Philippines my Philippines, ‘magara’ ang eleksiyon.
Hindi po natatapos ang eleksiyon sa Pinas … tuloy-tuloy lang. Mula sa filing ng candidacy, sa kampanya, sa election proper, sa bilangan,sa proclamation …
Kung inaakala ninyong tapos na sa proclamation, sorry kayo, meron pang protesta ang mga natalo dahil ‘dinaya’ sila.
At reresolbahin ‘yan ng Comelec, anim na buwan bago mag-eleksiyon ulit.
Habang ‘yung mga nanalo naman hindi pa nagseserbisyo ‘e nag-iisip na kung anong bagong pwesto ang susungkitin sa susunod na eleksiyon.
Hindi pa nga kayo napakikinabangan ng taong bayan ay humihirit na kaagad kayo para sa 2016 election!
Ibang-iba talaga ang Pinoy politics ‘di ba?!
Good luck Philippines!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
