Lifestyle check inisnab ni Jinggoy

HINDI pinatulan ni Senador Jinggoy Estrada ang hamon sa kanila ng testigong si Dennis Cunanan na magpa-lifestyle check gaya ng kanyang pagpayag na sumailalim dito at pagbusisi sa kanyang bank account.

Ayon sa senador, hindi mahalaga na isalang sila sa lifestyle check dahil sa umpisa pa lang ng kaso ay inimbestigahan na ang kanilang bank accounts ng Anti-Money Laundering Council (AMLC).

Dagdag pa ni Jinggoy, hindi patas na isabay sila sa lifestyle check sa mga testigo sa paniniwalang nilinis na ito ng pamahalaan.

Nauna nang iginiit ng senador na ang administrasyon ang nasa likod ng lumutang na testigo para idiin sila sa P10 billion pork barrel scam.

Una rito, hinamon ni Cunanan ang mga senador na sina Juan Ponce Enrile, Jinggoy Estrada at Bong Revilla na tularan ang kanyang pagpayag na sumailalim sa lifestyle check at ipabusisi ang bank accounts.

(CYNTHIA MARTIN)