HATAW! D'yaryo ng Bayan hatawtabloid.com
KINOMPIRMA ni Justice Secretary Leila, nasa “provisional state witness” na si dating Technology Resource Center director general Dennis Cunanan.
Ito matapos magsumite na ng kanyang sinumpaang salaysay si Cunanan sa Office of the Ombudsman.
Maalala na sa testimonya ng whistleblowers, ang ahensya ni Cunanan sa ilalim ng Department of Science and Technology ay sinasabing naging “conduit” ng negosyanteng si Janet Lim-Napoles.
Sa naging salaysay ni Cunanan, kinontra niya ang mga nakasaad sa counter affidavit ng mga senador na dawit sa kontrobersyal na anomalya.
Si Cunanan ay pangalawang respondent na una nang nakasuhan at ngayon ay naging state witness kasunod ni dating Social Secretary Ruby Tuason.
