FCDA refund ng maynilad sa customers sapat nga ba?

MARAMING customers ng MAYNILAD ang natuwa nang biglang bumaba ang kanilang WATER BILL.

Mayroong mula P900 ay naging P163 na lang ang binayaran nitong nakaraang Disyemre 2013. Dahil sa laki ng ibinawas sa kanilang water bill, s’yempre tuwang-tuwang ang mga subscriber.

Kung bakit nagkaganito?

Ito po ang paliwanag ng MAYNILAD:

Nag-refinance umano sila ng utang sa halagang US$ 121 milyon noong panahon na malakas ang peso kaysa dolyar.

Nagresulta umano ito sa one-time foreign exchange (forex) gain na  P978 milyones.

Ang gain umano na ito ang ibinalik nila sa mga customer sa pamamagitan ng negative Foreign Currency Differetnial Adjustment (FCDA), katumbas ng P3.90/cu.m. (average).

Sinimulan umano ito noong Hunyo 2013 at tinatayang matatapos hanggang Enero 14.

MAYNILAD, marami ang nagpapasalamat sa inyong mga customer.

Wish lang namin na kapag bumalik sa normal na paniningil ay huwag ninyo kaming singilin nang triple.

Anyway, salamat … salamat.

Sa panahon ni PNP-NCRPO Chief, Gen. Carmelo Valmoria
BAGMAN NAMUNINI NA NAMAN SA METRO MANILA

HILONG talilong daw ang mga ilegalista sa Metro Manila dahil sa sandamakmak na ‘BAGMAN’ ang orbit nang orbit.

Maya’t maya ay mayroong nagpapakilalang sila ang BAGMAN o KOLEKTONG ng PNP-NCRPO.

Gaya na lang ng isang KUPITAN ‘este’ KAPITAN. Hindi umano maintindihan kung kapitan ng barko o kapitan ng pulis ang isang nagngangalang PAGA-DOR-AN alias BOY SAKRA.

Si PAGADOR-AN umano ang nagpapaikot sa lahat ng sugalan (1602), ilegalista  at club sa Metro Manila kina alias DYEK IRINKO, ALAN ASPILETA, JOJO KRUS, TATA BONG ‘MPD’ KRUS at RAY DILA KRUS para raw sa opisina ni NCRPO General Carmelo Valmoria.

Kaya huwag na tayong magtaka kung namumunini ang 1602 sa Metro Manila.

Sonabagan!!!

Gen. Valmoria, alam mo ba noong panahon ni Gen. Marcelo Garbo sa NCRPO, walang lumutang na bagman ng Bicutan … akala natin ‘e natapos na ‘yang mga ‘BAGMAN’ sa NCRPO.

‘E bakit ngayon, paraang umuulan ng BAGMAN gamit ang NCRPO?!

Aba Gen. Valmoria, anong nangyayari sa area of responsibility mo?

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com